„იესო უფსკრულიდან“ (იტალ. Il Cristo degli Abissi) — იესო ქრისტეს ქანდაკება. მდებარეობს სან-ფრუტუოზოს (იტალ. San Fruttuoso) უბეში, გენუასთან ახლოს (ისტორიული ლიგურიის ნაწილი), იტალიის რივიერის წყლებში. მისი სიმაღლეა 2,5 მ, ჩამოსხმულია ბრინჯაოსაგან. დამონტაჟდა 1954 წლის 22 აგვისტოს 17 მეტრის სიღრმეზე. მას შემდეგ სხვადასხვა ქვეყნებში განთავსდა რამდენიმე ანალოგიური ქანდაკება (როგორც თავდაპირველის ასლები, აგრეთვე ვარიაციები ამავე თემაზე), რომლებსაც იგივე სახელი ეწოდა.
