ფააკერ-ზეე (გერმ. Faaker See) — მთის ტბა ავსტრიაში, კარინტიაში. მდებარეობს ქალაქ ფილახის სამხრეთ-აღმოსავლეთით, მდინარე დრავის ხეობაში, კარავანკეს ჩრდილო კალთაზე, მთა მიტაგსკოგელის ძირში, ზღვის დონიდან 554 მ სიმაღლეზე. ზედაპირის ფართობი 2,2 კმ². საშუალო სიღრმე 16,1 მ, მაქსიმალური სიღრმე 29,5 მ. პოპულარული ტურისტული ობიექტია. ფააკერ-ზეე ცნობილია თავისი ფირუზისფერი წყლით. განვითარებულია თევზჭერა.