ბანდიაგარა — ესკარპები მალიში, დოგონის რეგიონში. ქვიშაქვის ეს კლდეები აღმართულია ქვიშიანი ვაკის ზედაპირიდან 500 მეტრის სიმაღლეზე. მისი სიგრძე დაახლოებით 150 კმ-ია. ესკარპების არეალი დღეს დოგონების ხალხითაა დასახლებული. დოგონებამდე აქ ტელემეს და ტოლოის ხალხი ცხოვრობდა. 1989 წლიდან, არეალი შესულია იუნესკოს მსოფლიო მემკვიდრეობის ძეგლთა სიაში.
ბანდიაგარას კლდეები ქვიშაქვის მთაგრეხილის ჯაჭვს წარმოადგენს, რომელიც გრანდამიას მასივში იშლება. მასივის დასასრულთან მდებარეობს ჰომბორი-ტონდო 1 115 მეტრიანი მალის უმაღლესი მწვერვალი.
მისი არქეოლოგიური, ეთნოლოგიური და გეოლოგიური მახასაითებლების გამო, არეალი ერთ-ერთი ყველაზე შთამბეჭდავია დასავლეთ აფრიკაში.