მატრა (უნგრ. Mátra) — ვულკანური მასივი დასავლეთ კარპატების სამხრეთ ნაწილში, ჩრდილოეთ უნგრეთში. მაქსიმალური სიმაღლე 1014 მ (მთა კეკეში, უნგრეთის უმაღლესი წერტილი). აგებულია უმეტესწილად ანდეზიტური ლავებითა და მათი ტუფებით. ღრმად არის დანაწევრებული მდინარეთა ხეობებით, დამახასიათებელია ციცაბო კალთები და კონუსისებრი მწვერვალები. ფერდობები შემოსილია მუხნარ-წიფლნარით. მთისძირში გაშენებულია ბაღები, ვენახები. არის თერმული წყაროები და კურორტები, რომელთაგან აღსანიშნავია პარადი, მატრაფიურედი და სხვა. განვითარბულია ტურიზმი.
