ახტალის მონასტერი (სომხ. Ախթալա վանք) — X საუკუნის ფორტიფიცირებული სამონასტრო კომპლექსი სოფელ ახტალაში, ლორის პროვინციაში, ერევნიდან 185 კმ-ში, საქართველოს საზღვრის სიახლოვეს (უწინ საქართველოს ტერიტორიაზე). მონასტერი ამჟამად უმოქმედოა. ციხე-სიმაგრე მნიშვნელოვან როლს ასრულებდა საქართველოს სამხრეთ საზღვრის დაცვაში და დღემდე ერთ-ერთი ყველაზე კარგად შემონახული ფორტიფიკაციაა სომხეთის ტერიტორიაზე. ახტალის ტაძარში კარგად არის შენახული ფრესკები.