ბაატარის ხეობის ჩანჩქერი — ჩანჩქერი ლიბანში, ტანურინის მუნიციპალიტეტში.
ჩანჩქერი 255 მ სიმაღლიდან ეშვება ბაატარის უფსკრულში — იურული კირქვის მღვიმეში, რომელიც ლიბანის მთის ბილიკზე მდებარეობს.
იგი 1952 წელს ფრანგმა ბიო-სპელეოლოგმა ანრი კუაფემ აღმოაჩინა. ჩანჩქერი და იქვე მდებარე კარსტული ძაბრი რუკაზე სრულად დატანილი 1980-იან წლებში იქნა ლიბანის სპელეო კლუბის მიერ. მღვიმე ასევე ცნობილია „სამი ხიდის მღვიმის“ სახელით.
მღვიმეში სამი ბუნებრივი ხიდია, რომლებიც ერთმანეთის თავზე არიან განლაგებულნი და ლიბანის მთაზე ჩამავალ უფსკრულს გადაჰყურებენ. გაზაფხულზე, თოვლის დნობისას, სამი ხიდის უკან მდებარე 90–100 მ კასკადიდან წყალი 250 მ სიღრმის უფსკრულში ეცემა.
