ბანაუს ბრინჯის ტერასები — 2000 წლოვანი ტერასები ფილიპინებში, კუნძულ ლუსონზე, იფუგაოს მთებში, რომელიც ადგილობრივმა უძველესმა მოსახლეობამ შექმნა. ფილიპინებში მას „მსოფლიოს მერვე საოცრებას“ უწოდებენ. ვარაუდობენ, რომ ტერასები მინიმალური აღწურვილობით, ძირითადად ცარიელი ხელებით იქნა გაჭრილი. მდებარეობს ზღვის დონიდან 1500 მეტრზე და მოიცავს დაახლოებით 10 360 კმ² ტერიტორიას. ტერასები აღჭურვილია საირიგაციო სისტემით, რომელსაც წყალი მაღლა მდებარე ტროპიკული ტყეებიდან მოყავდა. ამბობენ, რომ თუ ამ ტერასების თითოეულ საფეხურს ერთმანეთს შევუერთებთ, დედამიწის ნახევარს შემოერტყმება გარს.
რეგიონის მოსახლეობა დღემდე იყენებს ამ ტერასებს ბრინჯისა და სხვა კულტურების მოსაყვანად, თუმცა ბოლო დროს ახალგაზრდა თაობა მუშაობას ტურიზმის სექტორში არჩევს, მით უმეტეს, გასათვალისწინებელია ის ფაქტიც, რომ ტერასები მთელი მსოფლიოდან უამრავ ტურისტს იზიდავს.
1995 წელს, იუნესკომ ბანაუს ტერასები მსოფლიო მემკვიდრეობის სიაში შეიტანა.
ბანაუს ბრინჯის ტერასებს ხშირად მოიხსენიებენ როკ-ჯგუფ ლედ ზეპელინის ცნობილი სიმღერის სახელწოდებით „Stairway to Heaven“, რაც ქართულად ითარგმნება, როგორც „კიბე ზეცისაკენ“.