წმინდა დონატუსის ეკლესია (ხორ. Crkva sv. Donata u Zadru) — კათოლიკური ეკლესია ხორვატიის ქალაქ ზადარში. მისი სახელი დონატუს ზადარელს უკავშირდება, რომელმაც ამ ეკლესიის მშენებლობა ძველი რომაული ფორუმის საძირკველზე IX საუკუნეში დაიწყო. მისი თავდაპირველი ოფიციალური სახელი იყო წმინდა სამების ეკლესია, ხოლო XV საუკუნეში სახელწოდება შეეცვალა და ეწოდა წმინდა დონატუსის ეკლესია.
წმინდა დონატუსის ეკლესია უდიდესი რომაულამდელი ნაგებობაა ხორვატიაში. ის აგრეთვე კაროლინგების პერიოდის ერთ-ერთ ყველაზე შთამბეჭდავი ცენტრალიზებული ტიპის ეკლესიაა.
1893-დან 1954 წლამდე ეკლესიაში განთავსებული იყო ზადარის არქეოლოგიური მუზეუმი.