ჰელბრუნის სასახლე (გერმ. Schloss Hellbrunn) — მანიერისტულ სტილში ნაგები სასახლე ამავე სახელწოდების ლანდშაფტურ რეგიონში ავსტრიის ქალაქ ზალცბურგში, მორცგის რაიონის სამხრეთით. ჰელბრუნის სასახლე ცნობილია თავისი შადრევნებით. ისტორიული სასახლის პარკის ნაწილი დღეს გამოიყენება, როგორც ზალცბურგის ზოოპარკი. ჰელბრუნი და მისი ვრცელი ისტორიული პარკი ზალცბურგის ცენტრიდან დაახლოებით 25 წუთის სავალზეა ავტობუსით.