სენ-რემის სააბატო — სააბატო საფრანგეთის ქალაქ რეიმსში, დაარსდა VI საუკუნეში. 1099 წლიდან, აქ ინახება რეიმსის ეპისკოპოსის, წმინდა რემის ნაწილები (გარდაიცვალა 553 წ.), რომელმაც 496 წელს ფრანკთა მეფე ხლოდვიგ I ქრისტიანად მონათლა, მას შემდეგ, რაც მან ტოლბიაკეს ბრძოლაში ალემანები დაამარცხა.
თანამედროვე ბაზილიკა, ერთ დროს სააბატოს მთავარი ტაძარი იყო. 1049 წელს ის რომის პაპმა ლეო IX-მ აკურთხა. ბაზილიკის რომანული არქიტექტურული სტილის ნეფი და ტრანსეპტი XI საუკუნისაა და უძველესია, სამხრეთი ფასადი კი შედარებით გვიანი პერიოდისაა.
1991 წელს, რეიმსის კათედრალსა და ტოს სასახლესთან ერთად, იუნესკომ ბაზილიკა მსოფლიო მემკვიდრეობის ძეგლთა სიაში შეიტანა.