ჟენევის ტბა (ლემანი, ფრანგ. Lac Léman, Le Léman, Lac de Genève, გერმ. Genfersee) — ტბა შვეიცარიაში და საფრანგეთში. იგი სიდიდით მეორეა ცენტრალურ ევროპაში ბალატონის შემდეგ. უჭირავს სავოიის, ბერნის ალპებისა და იურის მთებს შორის მდებარე ქვაბული, რომელიც წარმოქმნილია ძველი რონის მყინვარის ერთ-ერთი ტოტისაგან. ტბაში გაედინება მდინარე რონა. ტბის წყლის ტემპერატურა ზედაპირზე ზაფხულში 19°-24°, ზამთარში - +4°+5°. ტბაში 26 სახეობის თევზია. ნაპირები მჭიდროდ არის დასახლებული. დიდი ქალაქები და კურორტები — ჟენევა, ლოზანა, ვევე, მონტრე - უმთავრესად შვეიცარიის ნაპირზეა. ტბა სანაოსნოა.