გრაის ალპები (იტალ. Alpi Graie; ფრანგ. Alpes Grées) — დასავლეთ ალპების მთების ჯგუფი საფრანგეთში, იტალიასა და შვეიცარიაში. მაქსიმალური სიმაღლე 4061 მ (გრან-პარადიზო). სხვა მთებიდან აღსანიშნავია: მონ-მოდი (4465 მ), ეგიუი-ვერტი (4122 მ), პუენტ-დე-შარბონელი (3752 მ) და სხვა.
გრაის ალპები სამხრეთ-დასავლეთიდან შემოსაზღვრულია მონ-სენითა და კოტის ალპებით, დასავლეთიდან მდინარე იზერის ხეობით, ჩრდილოეთიდან მცირე სენ-ბერნარის უღელტეხილით, ჩრდილოეთ-აღმოსავლეთიდან მდინარე დორა-ბალტეას ხეობით. სავოიის ალპები მიჩნეულია გრაის ალპების ჩრდილოეთ-დასავლეთ განშტოებად.
გრაის ალპების ფარგლებშია გრან-პარადიზოსა და ვანუაზის ეროვნული პარკები. განვითარებულია ალპინიზმი და სამთო-სათხილამურო სპორტი.