ჰვასონი — ციხესიმაგრე სამხრეთ კორეის ქალაქ სუვონის ცენტრში, რომელიც 1794 წელს ჩოსონის დინასტიის მეფე ჩონჯომ ააშენა. მდებარეობს სეულიდან 30 კილომეტრით სამხრეთით. მეფემ ციხესიმაგრე მიუძღვნა მამამისს — პრინც სადოს, რომელიც მამამისმა (ჩონჯოს პაპამ), მეფე იონჯომ ბრინჯის შესანახ ყუთში ჩაკეტა და აიძულა თავი მოეკლა. 1997 წელს, იუნესკომ იგი მსოფლიო მემკვიდრეობის სიაში შეიტანა.
ციხესიმაგრე დასავლური და აღმოსავლური არქიტექტურის კომბინაციითაა ნაგები, რითაც მნიშვნელოვნად განსხვავდება სხვა კორეული ნაგებობებისგან.