სინტრის სასახლე (პორტ. Palácio Nacional de Sintra) — შუა საუკუნეების სასახლე პორტუგალიის ქალაქ სინტრაში, სადაც XV საუკუნიდან XIX საუკუნის დასასრულამდე ცხოვრობდნენ პორტუგალიის მონარქები. სხვა ორ სასახლესთან ერთად შეტანილია იუნესკოს მსოფლიო მემკვიდრეობის ძეგლების სიაში.
ჯერ კიდევ XII საუკუნეში სასახლის ადგილას მდებარეობდა მავრების მმართველების რეზიდენცია. შემონახული ნაგებობის დიდი ნაწილი აგებულია ჟუან I დროს. ნაგებობა მნიშვნელოვნად დაზარალდა 1755 წლის მიწისძვრის შედეგად.