კიმზეე (გერმ. Chiemsee), ასევე ცნობილი, როგორც ბავარიის ზღვა — ფართობით უდიდესი ტბა ბავარიაში, ხოლო ბოდენზეესა და მიურიცის შემდეგ მესამე ტბა მთლიან გერმანიაში. ზედაპირის ფართობი შეადგენს 79,9 კმ²-ს.
კემზეეს წყლის მოცულობა შეადგენს 2.047.840.000 მ³-ს, გარშემოწერილობა 63,96 კილომეტრს აღწევს (ნაპირის სიგრძე კუნძულებთან ერთად 83 კილომეტრია). წყალშემკრები აუზის ფართობი 1.398,56 კმ²-ია, აქედან 605 კმ² ბავარიაშია. კიმზეეში მდებარეობს კუნძულები: ჰერენინზელი (238 ჰა), ფრაუენინზელი (15,5 ჰა), კრაუტინზელი (3,5 ჰა) და პატარა კუნძული შალხი (22 კმ²). ამათგან პირველი სამი კუნძული ქმნის კიმზეეს თემს, შალხი კი არცერთ თემს არ მიეკუთვნება.