იოსემიტის ეროვნული პარკი (ინგლ. Yosemite National Park) — ეროვნული პარკი აშშ-ში, მდებარეობს კალიფორნიის შტატში. პარკის ფართობია 3081 კმ² და განფენილია სიერა-ნევადის ქედის დასავლეთ მთისწინეთზე. ცნობილია თავისი მრავალფეროვანი ლანდშაფტითა და ბუნებით: ულამაზესი გრანიტის კლდეები, ჩანჩქერები, მდინარეები, ჭალის სეკვოიადენდრონები და მდიდარი ბიოლოგიური მრავალფეროვნება (პარკის 89 % უკავია ველური ბუნების წარმომადგენლებს). 1984 წელს იუნესკომ იოსემიტი მსოფლიო მემკვიდრეობის სიაში შეიყვანა.