ერევნის ტბა (სომხ. Երևանի լիճ; ერევნის ზღვა, სომხ. Երեվանյան ծով) — სომხეთში, ქალაქ ერევნის სამხრეთ-დასავლეთ ნაწილში შექმნილი ხელოვნური ტბა. შეიქმნა 1963 - 1966 წლებში მდინარე რაზდანის კალაპოტის გადასაკეტად.სიმაღლე ზღვის დონიდან - 908 მეტრი, ფართობი - 650 ათ.მ2 , საშუალო სიღრმე - 8 მ. ზამთარში იყინება.
ტბასთან ახლოს გადის ერევანი-ეჩმიაძანის გზა, ასევე ახლოსაა ამერიკის საელჩო. 1976 წლის 16 სექტემბერს ტბაში გადავარდა ტროლეიბუსი, რომელშიც 92 ადამიანი იმყოფებოდა. იქვე მყოფმა შავარშ კარაპეტიანმა მოახერხა 10 მ სღრმეზე ჩაძირული მანქნიდან 20 ადამიანის გადარჩენა.