სან-იგნასიო-მინი (ესპ. San Ignacio Miní) — იეზუიტების მისია არგენტინაში, მისიონესის პროვინციაში. დაარსდა 1632 წელს ესპანელების მიერ ამერიკის კოლონიზაციის პერიოდში. იგი იმ 30 მისიიდან ერთ-ერთია, რომლებიც დააარსეს იეზუიტებმა არგენტინაში, ბრაზილიასა და პარაგვაიში. შენობათა აგების სტილი ცნობილია გუარანის ბაროკოს სახელით.
1984 წელს, კიდევ ოთხ, არგენტინასა და ბრაზილიაში მდებარე მისიასთან ერთად შეიტანეს იუნესკოს მსოფლიო მემკვიდრეობის ძეგლების სიაში.