შალიმარის ბაღები — სპარსული ბაღები პაკისტანის ქალაქ ლაჰორში, რომლებიც მოგოლთა იმპერატორმა შაჰ-ჯაჰანმა გააშენა. მშენებლობა დაიწყო ახ.წ. 1641 წელს და მომდევნო წელშივე დასრულდა.
ბაღის სიგრძე ჩრდილოეთიდან სამხრეთისკენ 658 მეტრია, აღმოსავლეთიდან დასავლეთით 258 მეტრი. მას პარალელოგრამის ფორმა აქვს და გარს ორნამენტებიანი, აგურის მაღალი კედელი არტყია. ბაღის ტერიტორიაზე მდებარეობს მარმარილოს სასახლე და მოზაიკებით მორთული, მოოქროვილი მეჩეთი, ასევე რამდენიმე ჩანჩქერი და დეკორირებული ხიდი.
1981 წელს, შალიმარის ბაღები იუნესკომ მსოფლიო მემკვიდრეობის სიაში შეიტანა.