შირაკამი-სანჩი (იაპონ. 白神山地) — ტყის ნაკრძალი იაპონიაში, კუნძულ ჰონსიუს ჩრდილოეთში მდებარე მთებში. მისი ფართობი 1 300 კმ²-ია, რომელთაგან 169.7 კმ² 1993 წელს, იუნესკომ მსოფლიო მემკვიდრეობის სიაში შეიყვანა. ტერიტორიაზე შესვლა მხოლოდ სპეციალური ნებართვის საფუძველზეა შესაძლებელი.
ნაკრძალის ტერიტორიაზე ბინადრობენ შავი კოდალა, იაპონური ოქროს არწივი, მთის არწივი, იაპონური მაკაკა, იაპონური ძილგუდა, აზიური შავი დათვი.
