შირეტოკოს ეროვნული პარკი (知床国立公園 — დედამიწის დასასრული) — ეროვნული პარკი იაპონიაში. მოიცავს კუნძულ ჰოკაიდოს შირეტოკოს ნახევარკუნძულის უდიდეს ნაწილს.
წარმოადგენს იაპონიის ყველაზე დაშორებულ, მიყრუებულ ადგილს, სადაც მისვლა მხოლოდ ფეხით ან საწყლოსნო ტრანსორტითაა შესაძლებელი. აქ ბინადრობს მურა დათვი, ასევე იშლება კუნძულ კუნაშირის ხედი, რომელსაც იაპონია დღემდე მოითხოვს რუსეთისგან. პარკში მდებარეობს ცხელი წყლის ჩანჩქერი კამუივაკა (ღმერთის წყალი).
პარკი დაფარულია სუბალპური შერეული ტყეებით. ხის ძირითადი ჯიშებია სახალინის სოჭი, არყის ხე, მონღოლური მუხა. ყველაზე მიუღწეველ ადგილებში ხარობს ციმბირული ჯუჯა ფიჭვი.
2005 წელს, იუნესკომ პარკი რუსეთის კონტროლირებად კურილიის ზოგიერთ კუნძულთან ერთად, მსოფლიო მემკვიდრეობის სიაში შეიტანა და „მსოფლიო მემკვიდრეობის მშვიდობის პარკი“ უწოდა.
