შტუბაის ალპები (გერმ. Stubaier Alpen; იტალ. Alpi dello Stubai) — ქედი ალპებში, ავსტრიასა და იტალიაში. შედის ცენტრალური აღმოსავლეთი ალპების შემადგენლობაში. მაქსიმალური სიმაღლე 3507 (მთა ცუკერჰიუტლი). სახელწოდება მომდინარეობს ალპების შტუბაიტალის ხეობიდან. ვრცელდება ინსბრუკიდან სამხრეთ-დასავლეთით. ჩრდილოეთით შემოზღუდულია მდინარე ინის ხეობით, აღმოსავლეთით მდინარე სილის ხეობით და ბრენერის უღელტეხილით (რომლისგანაც გამოყოფილია ცილერტალის ალპებისაგან), დასავლეთით ეცტალის ალპებითა და ტიმელსიოხის უღელტეხილით, სამხრეთით მდინარეების პასერისა და აიზაკის ხეობებით. ბევრია გადასასვლელი.