მშვიდობის ეკლესიები (polski. Kościoły Pokoju, Deutsch. Friedenskirche) – უდიდესი ხის ნაგებობები ევროპაში, მდებარეობს პოლონეთის ქალაქ იავორსა და სვიდნიცაში, ქვემო სილეზიის სავოევოდოში.
მშვიდობის ეკლესიები ააგო საღვთო რომის იმპერატორმა ფერდინანდ III-მ XVII საუკუნის მეორე ნახევარში, ოცდაათწლიანი ომის დამთავრებისა (1618–1648 წწ.) და ვესტფალიის ზავის დადების შემდეგ, შვედი პროტესტანტების ზეწოლის შედეგად.
სულ აშენდა სამი ეკლესია: გლოგუვში, იავორში და სვიდნიცაში. თანამედროვე ეპოქამდე მოაღწია ორმა მათგანმა, გლოგუვის ეკლესია დაიწვა 1758 წელს.
2001 წელს ეკლესიები შეიტანეს იუნესკოს მსოფლიო მემკვიდრეობის ძეგლების სიაში.