ჰოტელ-ტასელი (ფრანგ. Hôtel Tassel, ჰოლ. Hotel Tassel) — ქალაქური სახლი ბრიუსელში, რომელიც არქიტექტორმა ვიქტორ ორტამ ბელგიელი მეცნიერისა და პროფესორის, ემილ ტასელისთვის ააშენა 1893-1894 წლებში. შენობა საყოველთაოდაა მიჩნეული არტ-ნუვოს სტილის პირველ ნაგებობად, მისი მაღალინოვაციური გეგმისა და დეკორაციების გამო. ორტას მიერ აშენებულ სხვა მონუმენტებთან ერთად, რომელთა შორის მისი სახლიცაა, ჰოტელ-ტასელი 2000 წელს იუნესკომ მსოფლიო მემკვიდრეობის სიაში შეიტანა.