ტრირის წმინდა პეტრეს ტაძარი (გერმ. Trierer Dom) — ეკლესია გერმანიის რაინლანდ-პფალცის მხარის ქალაქ ტრირში. ტრირის საარქიეპისკოპოსოს საკათედრო ტაძარი. ტაძრის მშენებლობა დაიწყო მაქსიმინე ტრირელის ეპისკოპოსობის პერიოდში (332—347 წწ.). 1986 წლიდან შესულია იუნესკოს მსოფლიო მემკვიდრეობის სიაში.
ტაძარში დაცულია რამდენიმე ქრისტიანული სიწმინდე: უფლის კვართი, ანდრია მოციქულის სანდლები და ლურსმნები. წმინდა იოაკიმესა და ანას წმინდა ნაწილები. ტაძარში ასევე დაკრძალულია ტრირის რამდენიმე ეპისკოპოსი.