ცუგის ტბა (გერმ. Zugersee) — ტბა ცენტრალურ შვეიცარიაში, ალპების ჩრდილოეთ მთისწინეთში, ცუგის, შვიცისა და ლუცერნის კანტონების ტერიტორიაზე. მოქცეუილია ძველმყინვარულ ქვაბულში, ზღვის დონიდან 413 მ სიმაღლეზე. ფართობი 38 კმ², მაქსიმალური სიღრმე 197 მ. ჩრდილოეთი ნაპირები დაბალია, სამხრეთ-დასავლეთი მონაკვეთი — ამაღლებული, სადაც იჭრება რიგის მთის ფერდობები. სანაპიროს სიახლოვეს გადის 3 რკინიგზის ხაზი. მდიდარია თევზით, მათ შორის მოიპოვება კალმახის ენდემური ფორმა. ნაპირებზე გაშენებულია ქალაქი ცუგი. არის კურორტები, განვითარებულია ტურიზმი. სანაოსნოა. 1852 წელს ტბაზე პირველად გაუშვეს გემი. ტბაზე გაედინება მდინარე ლორცე.
