კუიკუილკო, (ნაუატ. Cuicuilco, სიტყვა-სიტყვით — „ლოცვის ადგილი“ ან „ცისარტყელის ადგილი“) — ძველი ქალაქი მექსიკის ცენტრალური მაღლობების უბანში, ტესკოკოს ტბის სამხრეთ სანაპიროზე, მეხიკოს ველის სამხრეთ-აღმოსავლეთით. ქალაქი დასახლებული იყო მესოამერიკული ქრონოლოგიის შუა და გვიან წინარეკლასიკურ პერიოდში (დაახლოებით ძვ. წ. 700 — ახ. წ. 150). ამგვარად, სავარაუდოდ, კუიკუილკო მეხიკოს ველზე ერთ-ერთი უძველესი ქალაქი იყო და არსებობდა, დაახლოებით, ოლმეკების ცივილიზაციასთან ერთად, მისი მცხოვრებლები კი — ტეოტიუაკანის კულტურის წინაპრები არიან.