უპოლუ (ინგლ. Upolu) — ვულკანური წარმოშობის კუნძული წყნარი ოკეანის სამხრეთ ნაწილში, შედის სამოას შემადგენლობაში.
კუნძულის სიგრძეა — 75 კმ, სიგანე — 24 კმ. კუნძულის ფართობია — 1118,7 კმ² (უპოლუს გარშემო მდებარე რვა მომცრო კუნძულის ჩათვლით — 1125 კმ²). კუნძულის დასავლეთით მდებარეობს ფალეოლოს საერთაშორისო აეროპორტი, ჩრდილოეთით — სამოას დედაქალაქი — აპია. კუნძულზე არ მომხდარა ისტორიულად დადოკუმენტირებული ამოფრქვევები.
კუნძულზე არსებობს ობობების ყველაზე პატარა სახეობა, რომელიც გინესის რეკორდების წიგნშია შეტანილი.
სამოას მითოლოგიაში უპოლუ იყო პირველი ქალი კუნძულზე. XVIII საუკუნის ბოლოს და XIX საუკუნის დასაწყისში კუნძულს ზოგჯერ ასევე ეძახდნენ ოიალავას ან ოიოლოვას. XIX საუკუნის ბოლოს რობერტ ლუის სტივენსონი კუნძულზე ფლობდა პლანტაციას ფართით 1,6 კმ² და აქვე გარდაიცვალა 1894 წელს.
სამოას 11 ოლქიდან კუნძულ უპოლუზე მდებარეობს 5:
№ რუკაზე |
ოლქი | ადმინისტრაციული ცენტრი | ოლქის ფართობი, კმ² |
ოლქის მოსახლეობა, ად. (2006) |
სიმჭიდროვე, ად./კმ² |
|||||||||||||||||||
---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
კუნძული უპოლუ | ||||||||||||||||||||||||
1 | ტუამასაგა | აფეგა | 479 | 85 112 | 177,69 | |||||||||||||||||||
2 | აანა | ლეულუმოეგა | 193 | 20 769 | 107,61 | |||||||||||||||||||
3 | აიგა-ი-ლე-ტაი¹ | მულიფანუა | 27 | 4 857 | 179,89 | |||||||||||||||||||
4 | ატუა² | ლუფილუფი | 413 | 21 826 | 52,85 | |||||||||||||||||||
5 | ვაა-ო-ფონოტი | სამამეა | 38 | 1 624 | 42,74 | |||||||||||||||||||
სულ | 1118,7 | 136 674 | 122,17 |
¹ მანონოს, აპოლიმას და ნუულოპას კუნძულების ჩათვლით
² ალეიპატას კუნძულების და კუნძულ ნუუსაფეეს ჩათვლით
2006 წელს კუნძულის მოსახლეობის რაოდენობა შედგებოდა 136 674 ადამიანისაგან, სამოას არქიპელაგში ყველაზე დასახლებული კუნძულია.