ვიედმა (ესპ. Viedma) — ტბა არგენტინისა და ჩილეს საზღვარზე. მდებარეობს პატაგონიის ანდების აღმოსავლეთ კალთის ძირას, ზღვის დონიდან 254 მეტრ სიმაღლეზე. ფართობი 1100 კმ². მდებარეობს მყინვარულ ბოლო აუზში, რომელიც აღმოსავლეთიდან შეგუბებულია მორენით. დასავლეთი ნაპირი ციცაბოა და ტყიანი. ტბაში ანდებიდან ეშვება მყინვარი. აღმოსავლეთი ნაპირი დამრეცია, შემოსილია სტეპის მცენარეებით. მდინარე რიო-სანტა-კრუსით უერთდება ლაგო-არხენტინოს ტბას. განვითარებულია ტურიზმი.