ხეინსა (해인사, 海印寺) — კორეული ბუდიზმის მთავარი ტაძარი სამხრეთ კორეაში. ცნობილია ბუდისტების წმინდა ტექსტებით (ტრიპიტაკა კორეანა), რომლებიც აქ 80 000-მდე ხის ნაჭერზეა ამოტვიფრული. წარმოადგენს კორეის სამი უწმინდესი ტაძრიდან ერთ-ერთს და სეონის დღემდე მოქმედ ცენტრს.
ტაძარი პირველად 802 წელს აშენდა და მას მერე მრავალჯერ იქნა აღდგენილი X საუკუნეში, 1488, 1622 და 1644 წლებში. 1817 წელს ის დაიწვა და ცენტრალური დარბაზი აღადგინეს 1818 წელს.
1995 წელს, ტაძარი იუნესკომ მსოფლიო მემკვიდრეობის სიაში შეიყვანა. ამავე დროს, ის სამხრეთ კორეის ეროვნულ საგანძურს წარმოადგენს.